Каттақўрғон туман ҳокимлиги ходимлари учун Нурота ва Бухоронинг тарихий обидалари ва муқаддас қадамжоларига зиёрат қилиш мақсадида саёҳат уюштирилди.
Ҳокимлик ходимлари Нурота ва Бухоронинг Ғиждувон туманидаги Абдухолиқ Ғиждувоний ёдгорлик мажмуаси, Когон туманидаги Хожа Баҳоуддин Нақшбандий зиёратгоҳи, Бухоро шаҳридаги Лаби Ҳовуз, Минораи калон, Арк ва Ситораи Мохи хосса мажмуаларида бўлишди.
Саёҳатчилар янги куч, ғайрат ва руҳий қувват билан Каттақўрғонга қайтди.