Махсус имкониятлар
![[jpg jpeg gif png txt doc docx xls xlsx pdf ppt pptx pps ppsx odt ods odp mp3 mov mp4 m4a m4v mpeg avi ogg oga ogv weba webp we]](http://www.payshanba.uz/sites/default/files/styles/large/public/field/image/%D1%8D%D1%80%D0%BD%D0%B0%D0%B7%D0%B0%D1%80%D0%BE%D0%B2.jpg?itok=tF7vdcXo "[jpg jpeg gif png txt doc docx xls xlsx pdf ppt pptx pps ppsx odt ods odp mp3 mov mp4 m4a m4v mpeg avi ogg oga ogv weba webp we]")
Ўзбекистон Экологик партияси Марказий Кенгаши Ижроия қўмитаси ва Самарқанд вилоят партия ташкилотининг 2020 йил 16 июлдаги “Zoom” платформаси орқали онлайн видеоконференция ўтказилди.
Видеоконференцияда Ўзбекистон Экологик партияси Марказий Кенгаши Ижроия қўмитаси раиси ўринбосари С.Сангинов, Ўзбекистон Экологик партияси Самарқанд вилоят партия ташкилоти Ижроия қўмитаси раиси в.в.б. А.Курахмедов, партиядан маҳаллий кенгашга сайланган депутатлар ҳамда туман ва шаҳар партия ташкилоти раислари иштирок этди.
Видеоконференция кун тартибига кўра Ўзбекистон Экологик партияси Марказий Кенгаши Ижроия қўмитаси девонининг жорий йил март ойида онлайн тарзда бўлиб ўтган конференциясида белгилаб берилган топшириқларнинг ижроси ҳамда Самарқанд вилоятидаги экологик муаммоларга бағишланган масалалар муҳокама этилди.
Видеоконференцияда сўз олган Ўзбекистон Экологик партияси Каттақўрғон туман партия ташкилоти раиси Улуғбек Эрназаров Каттақўрғон туманидаги экологик муаммоларни бартараф этиш бўйича олиб борилаётган ишларга тўхталар экан, ҳар бир туманда ёш экологлар боғини яратиш таклифини киритди.
Видеоконференция якунида Ўзбекистон Экологик партияси туман кенгаши фаоллари ва партиядан Каттақўрғон туман кенгашига сайланган депутатлар иштирокида депутатларнинг келгуси фаолияти ва партиянинг туманда экологик вазиятни яхшилашга қаратилган келажакдаги режалари келишиб олинди.
