Каттақўрғон туманининг “Жавлон” маҳалласи Арабхона қишлоғида давлат дастури асосида "Ал Азим” масъулияти чекланган жамияти томонидан янги 1 та сув иншоати ва 4,0 километр тоза ичимлик суви тармоқлари тортилмоқда.
Бугун арабхоналиклар туманимиз ҳокимидан, тадбиркоримиздан жуда-жуда миннатдор бўлиб, бу ишга бош қўшганлар асло камлик кўрмасин, эл-юрт ичида азиз ва мукаррам бўлсин, деб дуолар қилмоқда.
Тез кунларда мазкур тармоқнинг тўлиқ ишга тушиши натижасида ҳудудда яшовчи 600 дан ортиқ аҳолининг бу борадаги узоқ йиллик орзулари ушалади.