Йиғилишда тумандаги ҳар бир кўмирга эҳтиёжи бор хонадонларини аниқлаб, уларга марказлашган ҳолда арзон ва сифатли кўмир етказиб бериш масаласи кўриб чиқилди.
Шунингдек йиғилишда, аҳоли томорқаларини ҳайдаш, тўқсонбости экинлар экиш,баҳорги экинлар экишга тайёргарлик кўриш ва дарахтларни буташ, шакл бериш, тумандаги ҳар бир маҳалладан ўтган асосий кўча атрофларини тозалаш, Каттаминг қишлоғидаги Хотира ёдгорлигини ободонлаштириш,кўча четидаги уйларни бир хил ранг билан бўяш ва дарахтларга чиройли шакл бериш каби шу куннинг долзарб масалалари кўриб чиқилди ва тегишли топшириқлар берилди.
Бундан ташқари, мамлакатимизда жорий этилган “Темир дафтар” сингари, ишсиз ёшлар бўйича алоҳида “Ёшлар дафтари”, ишсиз ва боқувчисиз хотин-қизлар бўйича алоҳида “Аёллар дафтари” рўйхатларини шакллантиришни тез фурсатларда тугатиб, ҳар бири билан янги тизим, янгича тартибда манзилли ишлаш муҳимлиги таъкидланди.