Халқимизда, излаган имкон топар, деган нақл бор. Бу эса бажариб бўлмас деб ҳисобланган ишларни ҳам уддасидан чиққан, ҳар қандай муаммога ечим топган уддабурон кишиларга нисбатан айтилади.

Тумандаги Марди Султонов ММТП ҳудудидаги “АБУБАКР ОЛТИН ДАЛАЛАРИ” фермер хўжалиги раиси Толмас Боймуродов ҳам “сув йўқ экан” деб қараб турмади. У бу муаммони бартарф қилишнинг антиқа йўлини топди. Ён-атрофимиздаги мавжуд баъзи деталларни йиғиндиси шаклидаги қўлбола сув насоси ўрнатиб, хўжаликка қарашли пахта ва ғалла экинларини ер ости сувларидан фойдаланган ҳолда суғоришга эришди. Туманимизда бу каби оддий ва қулай йўл билан ҳам хўжалик далаларини ва шахсий томорқасидаги экинларни суғориб, меҳнат қилаётганлар  анчагина топилади. Бу инсонларнинг ташаббуси сув йўқлигини баҳона қилиб экинларни суғоришдан қолдириб келаётган инсонларга ўрнак бўлса неажаб.