Инсон борки дунёга келиб бирон бир савоб амалларга қўл урган, бировнинг оғирини енгил қилган, ҳожатини чиқарган бўлса, ўзидан рози бўлиб яшайди.

Ана шундай инсонлардан бири, халқ депутатлари  Каттақўрғон туман Кенгаши депутати Шахрўз Рашидовнинг ёрдами билан Қирғиз маҳалласи Новқа қишлоғида яшовчи фуқаро Санобар Собировага қорамоли учун 1 тележка самон олиб берилди. Шунингдек, Файзикент маҳалласида яшовчи кам таъминланган 5 та оилага такрорий экин экиш учун 1 гектардан ер берилиб, экин майдонлари ҳайдаб берилди.

Бир кўнгилни шод этиш, Каъбани обод этиш билан тенг, деган ибратли нақл бор. Албатта, депутатимиз томонидан амалга оширилган бу каби амаллар,  фуқароларнинг  яшаш шароитини яхшилашга хизмат қилиши билан бир қаторда уларнинг кўнглида эртанги кунга ишонч ва умид уйғотиши аҳамиятлидир.