Каттақўрғон туманида “Истиқлолнинг 30 йиллигига 30 маҳалла” эзгу шиори остида бунёдкорлик ишлари олиб борилмоқда. Бугун 4-сектор ҳудудидаги Ёнбошсой маҳалласининг янги биноси фойдаланишга топширилди.
Мамлакатимизни барқарор ривожлантириш, аҳоли турмуш фаровонлигини ошириш ва уларнинг бугунги яшаётган кунидан рози бўлиб, эртанги кунга қатъий ишонч билан яшашини таъминлашда албатта, маҳаллаларнинг ўрни беқиёс.
Каттақўрғон туман ҳокимлиги ва Ёнбошсойлик саховатпеша инсон Мухтор Ражабов томонидан бунёд этилган Ёнбошсой маҳалласи биносининг очилишида туман ҳокими Жамшид Насриддинов, сектор раҳбарлари, Халқ қабулхонаси мудири, корхона ва ташкилот раҳбарлари ҳамда маҳалла фаоллари иштирок этиб, янги бинони кўздан кечирди.