Каттақўрғон тумани Мундиён маҳалласида яшовчи 72 ёшли отахон Насриддин Убайдуллаев 20 сотих томорқасида 100 туп ток парвариш қилади.
- Томорқамда узумнинг 10 турдан зиёд навини парваришлаяпман, - дейди отахон. - Кенжа фарзандим билан бирга яшаймиз. Шу томорқадан келадиган даромаддан тўйлар қилдик, машина сотиб олдик. Ўтган йили 80 миллион сўм даромад қилдик. Бу йил ҳосил анча яхши, 100 миллион сўм фойда олишни мўлжаллаб турибмиз. Кўчатчиликка ҳам қўл урдим. Токлар орасида ниҳоллар етиштиряпмиз.
Даровоқе, отахон томорқасидан унумли фойдаланмаётган ишсиз ёшларга узумчилик сирларини ҳам ўргатяпти.