KATTAQO‘RGʻONDA JORIY YILDA 7 TA MAHALLA YANGITDAN QURILMOQDA

Bugun aholi muammolariga yechim topish, og‘irini yengil qilish, hayotdan rozi bo‘lib yashashiga hissa qo‘shishda mahalla fuqarolar yig‘inlari muhim ahamiyat kasb etadi. Shuning uchun ham mahallaning jamiyat hayotidagi o‘rniga alohida e’tibor qaratilmoqda.

O‘tgan 2022 yilda 21 ta mahalla fuqarolar yig‘inlari binosi qurilib foydalanishga topshirildi. Bu yil ham 7 ta mahalla binolari yangitdan qurilmoqda. 

Yangi binolarda mahalla raisi, hokim yordamchisi, yoshlar yetakchisi, xotin-qizlar faoli va profilaktika inspektori xonalari mavjud. Har bir mahallada mo‘jazgina kutubxona tashkil qilinmoqda. Ularga zarur bo‘ladigan jihozlar bilan ta’minlanmoqda. Har bir mahalla internet tarmog‘iga ulanadi.