Яқинда ижтимоий тармоқларда “Суратдаги бинони ташландиқ бостирма деб ўйлаётган бўлсангиз адашасиз. Бу – Самарқанд вилояти Каттақўрғон тумани Зарқўрғон МФЙда жойлашган 35-сонли болалар боғчаси!” сарлавҳаси остида жойлаштрилган фото суратлар берилди.
Ушбу пост юзасидан қуйидагиларни маълум қиламиз: 60 ўринли 35-сонли мактабгача таълим ташкилоти 1975 йилда пишиқ ғиштдан қурилган мослаштирилган бинода жойлашган.
Ушбу мактабгача таълим ташкилоти 2020 йилда марказлашган иссиқлик тизими ўрнатилган ва моддий техника баъзаси қониқарли.
Ушбу мактабгача таълим ташкилотини 2021-2022 йилларда реконструкция қилиш учун давлат дастурига киритишга таклифлар берилган.
Ижтимоий тармоқларда берилган фото суратлар аслида 35-сонли мактабгача таълим ташкилотининг марказлашган иссиқлик тизимини таъмирлаш жараёнида, яъни 2020 йилнинг декабрь ойида олинган эски фото суратлар бўлиб, МТТнинг ҳозирги кундаги ҳолати суратдагидан тубдан фарқ қилади.
Каттақўрғон Туман мактабгача таълим бўлими