Бугун, 3 декабрь куни "Халқаро ногиронлар куни" муносабати билан Каттақўрғон туманидаги 325 нафар болаликдан ногирон, қаровчисини йўқотган, меҳр-саховатга муҳтож, кўзи ожиз I ва II гуруҳ ногиронлиги бўлган фуқароларга туман ҳокимлиги томонидан 12 турдаги озиқ-овқат маҳсулотлари етказилиб, ҳолидан ҳабар олинди. 

 Ўзбекистон Республикаси Президенти Шавкат Мирзиёев 12-13-ноябрь кунлари Қашқадарё вилоятига қилган ташрифи давомида “Давлат хизматлари маркази орқали одамлар давлатнинг эътиборини сезиши керак”–деган ғояни илгари сурдилар.Давлат хизматлари марказлари–халқ билан давлат ўртасидаги кўприк ҳисобланиши, фуқаролар давлат хизматларидан маҳалласидан, уйидан чиқмаган ҳолда фойдалана олиши, етти ёшдан етмиш ёшгача бўлган фуқароларда кўникма шакллантириш ва муносиб шароит яратиш лозимлиги муҳим вазифа сифатида белгиланди.
 

Кичик бизнес ва хусусий тадбиркорликни фаол қўллаб-қувватлаш, оилавий тадбиркорликни янада ривожлантириш, маҳаллий ишлаб чиқарувчиларни ҳар томонлама рағбатлантириш ҳамда барча турдаги тадбирокорлар учун шарт-шароитларни яратиб бериш мақсадида туман ҳокимлиги томонидан “Тадбиркорлар қабули” ўтказилиб келинмоқда.