Деҳқонларимиз йил давомида қилган меҳнати самарасини кўрадиган, таъбир жоиз бўлса, ғалвирни сувдан кўтарадиган дамлар тобора яқинлашмоқда. Ушбу масъулиятли мавсумга Самарқандда ҳам қизғин ҳозирлик кўрилмоқда. Жорий хўжалик йилида вилоятимиз пахтакорлари томонидан мавжуд 75 минг 580 гектар ер майдонга экилган чигитнинг Султон, Бухоро-102, Омад, С-8286, Порлоқ-1 навларидан 215 минг 500 тонна пахта хом ашёси ишлаб чиқариш учун пухта замин хозирланди.
 

Бугун, 17 август куни эрта тонгдан тумандаги Орзи Маҳмудов ММТПсида 2020 йил пахта ҳосилини йиғиштириб олишга ўз вақтида тайёргарлик кўриш ва уни уюшқоқлик билан ўтказиш бўйича ташкил этилган семенарда ҳам ушбу масалага алоҳида эътибор қаратилди. Семенар давомида мазкур ММТП кесимида мавжуд техника воситалари, тиркама ва судратмаларни мавсумга шайлиги ўрганиб чиқилди. Мавжуд камчиликларни бартараф этиш бўйича тегишли кўрсатмалар берилди.

Мустақиллик байрами арафасида Каттақўрғон туманида турли ишлаб чиқариш ва хизмат кўрсатиш йўналишидаги қуриб битказилган янги объектлар бирин-кетин ишга туширилмоқда.